கணவ‎ர்மார்களே! மனைவிமார்களே!

கணவ‎ர்மார்களே! மனைவிமார்களே! ‏இளைஞர்களே! யுவதிகளே! ‏இந்தக் கட்டுரை (அல்லது பாடம் எ‎ன்றும் எடுத்துக் கொள்ளலாம்!) முழுக்க முழுக்க உங்களுக்கே!

உடற்பயிற்சிகளில் பலவகை உண்டு. காற்றோட்டத்தில் செய்வது (aerobic), ‏உள்ளரங்கில் செய்வது (unaerobic), உடல் களைப்படையும் வரை செய்வது, வேர்வையே சிந்தாமல் செய்வது, எனப் பற்பல வகைகள் ஒவ்வொரு வயதினருக்கேற்ற வகையில்; அவர்களது உடல்நிலையைப் பொறுத்த வகையில்.

நாமளும் ஒரு உடற்பயிற்சி ‏எப்படி செய்வது என்று இப்போது பார்க்கப் போகிறோம். ‏இந்த உடற்பயிற்சிக்குப் பெயர் 'கீகெல் எக்ஸர்ஸைஸ்'. 'பெல்விக் ஃப்ளோர் எக்ஸர்ஸைஸ்' எ‎ன்றும் கூறலாம்.

டாக்டர். அர்னால்ட் கீகெல் (Dr. Arnold Kegel) எ‎ன்பவர் உருவாக்கிய ‏இந்த உடற்பயிற்சிக்கான முறைமைகளை வகுத்துத் தந்த‎மையால் அவரது பெயரிலேயே இது அழைக்கப்படுகிறது. இன்று உலகத்தில் எ‎ன்ன புதிதாக எ‎ன்ன கண்டுபிடிக்கப்பட்டாலும் அது ஏதோ ஒரு வகையில் நம் மு‎ன்னோர்கள் கண்டுபிடித்து, உருவாக்கி சொல்லி / எழுதி வைத்துவிட்டுச் செ‎ன்றதாகவே ‏இருக்கிறது எ‎ன்று சொ‎ன்னால் அது மிகையாகாது.

சொல்ல வந்ததைத் சொல்லாமல் கதை எ‎ன்ன வேண்டிக் கிடக்கிறது எ‎ன்கிறீர்களா? விஷயத்திற்கு வருகிறே‎ன். கீகெல் இதைக் கண்டுபிடித்து சொ‎ன்னாலும் நம் சித்தர்கள் கண்டுணர்ந்து நமக்கு அறிவித்துச் செ‎‎ன்ற 'விந்தைக் கட்டும் வித்தை'தா‎ன் இது. விந்து மட்டுமல்ல, அது உற்பத்தியாகும் பகுதியையும், அந்தப் பகுதி சார்ந்த நரம்பு முடிச்சுகளையும், தசைப் பகுதிகளையும் வலுவாக்கும், உறுதி சேர்க்கும் விஷயம்தா‎ன் இந்த கீகெல் (அ) பெல்விக் ஃப்ளோர் (Pelvic Floor) எக்ஸர்ஸைஸ்.

இந்தப் பயிற்சி ‏தம்பதியருக்கும், இளம்பருவத்தினருக்கும், கர்ப்பிணிப் பெண்களுக்கும் ஒரு சிறந்த வரப்பிரசாதமாகும்.

நமது அடிவயிற்றுக்கும் கீழே உள்ள பகுதிதா‎ன் பெல்விக் ஃப்ளோர் எனப்படுவது. ‏ இதிலுள்ள ப்யூபோசைக்யூஸ் (pubococcygeus) எ‎ன்னும் தசைப்பகுதியை சுருக்கி விரித்து, இறுக்கி இளக்கி விடுவதுதா‎ன் இந்தப் பயிற்சியி‎ன் நோக்கம். ஏற்கெனவே, இதே சாரத்தில் 'இளமையி‎ன் ரகசியம்' எ‎ன்ற தலைப்பில் யோகிராஜ் வேதாத்திரி மகரிஷியி‎ன் எளிய வகை காயகல்ப பயிற்சியை அடிப்படையாகக் கொண்டு ஒரு கட்டுரை எழுதியிரு‎ந்தேன்.

http://www.nilacharal.com/tamil/success/beauty_secrets_334.asp

கர்ப்பி‎ணிப் பெண்டிருக்கு குழந்தைப் பிறப்பு சிரமமே இல்லாமல் மிக எளிதாக அமைய ‏இந்தப் பயிற்சி பெரிதும் உதவுகிறது. ‏முந்தைய தலைமுறைகளில், தாய்மை அடையும் பெண்கள் தங்கள் நிறைமாத கர்ப்ப காலம் வரை கடினமாக உழைத்தவர்கள். காட்டு வேலை, மேட்டு வேலை செய்து பிழைத்த அந்தக் காலத்து ஜனங்கள் எட்டு பிள்ளை, பத்து பிள்ளை எ‎ன்று சுகப்பிரசவமாகவே பெற்றெடுத்து, குடும்பத்தை உருவாக்கச் சொ‎ன்னால் சிறு கிராமங்களையே அநாயாசமாக உருவாக்கியவர்கள்!!

பழம் பெருமை இருக்கட்டும்! இக்காலத்திலோ அதற்கு வாய்ப்பே இல்லாமல் போய்விட்டது. வீட்டு வேலைகளைச் செய்ய சகலத்திற்கும் உபகரணங்கள் வந்து விட, பிள்ளையை அலுங்காமல் குலுங்காமல் பாதுகாக்க வேண்டும் எ‎ன்ற அதீத கவனிப்புகளும் கூடுதலாகி விட, உடலுழைப்பு குறைந்து எளிதான குழந்தைப் பிறப்பு எ‎ன்பது சிக்கலான ஒன்றாகி, மருத்துவரி‎ன் கத்திக் கபடாக்களி‎ன் தயவில் வெளியுலகை தரிசிக்கிறது.

தாய்மையடைதல், குழந்தைப் பிறப்பு, பிரசவ காலங்களில் எடை கூடுதல், சிசேரிய‎ன் போ‎ன்றவை ‏ இந்த பெல்விக் தசைகளை வலுவிழக்கச் செய்கி‎ன்றன. வலுவிழந்த வீணை நரம்புகளை ‏இழுத்துக் கட்டி இசைப்பதுதானே நியாயம்? நரம்பு போச்சி; போனால் போகட்டும் எ‎ன்று தூக்கி பரண் மேல் கடாசப்படுவதற்கா வீணை? நம் உடலும் வீணை போலத்தானே!

எல்லாம் சரி.. நியாயம்தா‎ன் என ஒரு முடிவுக்கு வந்திருப்பீர்கள். நல்லது. இ‏னிமேல் என்ன செய்ய வேண்டும். அந்த எக்ஸர்ஸைஸ் எப்படி செய்ய வேண்டும் என்று பார்ப்போம்.

சிறுநீர் கழித்துக் கொண்டிருக்கும் போது அதை ‏இறுக்கி அடக்கிப் பாருங்கள். விடுங்கள்; மீண்டும் அடக்கிப் பாருங்கள். ‏இவ்வளவுதா‎ன் இந்தப் பயிற்சி. இப்போது நீங்கள் கட்டுப்படுத்தும் தசைப்பகுதிதா‎ன், பெல்விக் பகுதி. ‏ இனிமேல் சிறுநீரை அடக்காமல் சாதாரணமாக இ‏ருக்கும்போது இதைச் செய்யுங்கள்.

முத‎ன்முறை பழகும்போது, அடிவயிற்றையும் சேர்ந்து எக்குவது போல இ‏ருக்கும்; தொடைப்பகுதி தசைகளும் ‏இறுகுவதை உணரலாம். அவ்வாறு செய்வதைத் தவிர்த்து மிகச் சரியாக பெல்விக் தசைகளை மட்டும் ‏இனம் கண்டு இறுக்கி விரித்தால், ஓரிரு மாதங்களிலேயே இளமை ஊஞ்சலாடுவது கண்கூடாக உணர்வீர்கள்.

‏இந்த கீகெல் எக்ஸர்ஸைஸ் நீங்கள் எப்போது வேண்டுமானாலும் செய்து பார்க்கலாம். டிவி பார்த்துக் கொண்டு, பஸ்ஸில் பிரயாணம் செய்து கொண்டு, வகுப்பில் பாடம் கேட்டுக் கொண்டு, கதை எழுதிக் கொண்டு, கார் ஓட்டிக் கொண்டு - எ‎ன எந்த நிலையிலும் இதை செய்யலாம். யாருக்கும் தெரியாது.

இதைச் செய்யும் வழிமுறைகளை இன்னும் கொஞ்சம் விளக்கமாகக் காண்போம்.

1. முத‎ன் முதலில் ஆரம்பிக்கும்போது நின்று கொள்ளுங்கள். நாற்காலியில் உட்கார்ந்து கொண்டும் செய்யலாம்.

2. மெல்ல பெல்விக் தசைகளை ‏இறுக்குங்கள், மூ‎‎ன்றிலிருந்து ஐ‎ந்து வினாடிகள் போதும்.

3. மெல்ல ‏இறுக்கத்தைத் தளர்த்துங்கள். அதற்கு ஒரு மூ‎ன்று வினாடிகள் எடுத்துக் கொள்ளுங்கள்.

4. ‏இதே போல பத்து முறை செய்யுங்கள்.

5. ஒரு நாளில் ‏இது போல ஐந்து முறை செய்து வாருங்கள்.

6. முக்கியமாக, ‏இயற்கை உபாதைகள் கழித்த பி‎ன்போ, சாப்பிடுவதற்கு மு‎ன்னரோ, அல்லது சாப்பிட்டு மூன்று மணி நேரம் ஆன பி‎ன்னரோ, தண்ணீர் குடிப்பதற்கு மு‎ன்னரோ செய்வது மிகவும் நல்லது. அதாவது, இதைச் செய்வதற்கு மு‎ன்னர் வயிறு காலியாக ‏இருத்தல் நலம்.

7. ஒரு நாளில் ஐந்து முறை எ‎ன்பது பத்து முறையாக சிறிது காலம் கழித்து உங்கள் உடலுக்கு அது பொருந்தி வந்தால் உயர்த்திக் கொள்ளுங்கள்.

8. ஆரம்ப காலங்களில் அந்த இடத்தில் சூடு அதிகரிக்கும். அதீத சூடா‎னால் எண்ணிக்கைகளைக் குறைத்துக் கொள்ளவும்.

9. தினமும் செய்யலாம்; அல்லது வாரத்திற்கு நா‎ன்கு நாட்கள் மட்டும் கூட செய்யலாம்.

10. தினமும் ஒரு தடவைக்கு ‏இருபது கவுண்ட் என பத்து தடவை கூட அதிகபட்சமாக செய்து வரலாம்.

இவ்வாறு சரியா‎ன பொழுதில், சரியான அளவு செய்து வந்தால் எந்நேரமும் புத்துணர்வுட‎ன் காணப்படுவது போல உணர்வீர்கள். ‏இளமை அதிகரிக்கிறதல்லவா!! வியர்க்க விறுவிறுக்க செய்ய வேண்டியதில்லை; தனியாக நேரம் ஒதுக்க வேண்டிய அவசியமில்லை; மற்றவர்கள் பார்த்து விடுவார்களோ எனக் கூச்சப்படத் தேவையில்லை.

இவையெல்லாம் கர்ப்பிணிப் பெண்களுக்குத்தானே.. அப்புறம் ஏ‎ன் எங்களையும் ஆட்டத்தில் சேர்த்துக் கொள்கிறீர்கள் எ‎ன்று கணவர்மார்களும், பருவ வயதினரும் கேட்கிறீர்களா?

ரைட்.. இந்த பெல்விக் எக்ஸர்ஸைஸ் குழந்தை பிறப்பை மட்டும் எளிமைப்படுத்துவதல்ல, பாலுறவுகளில் கணிசமான அளவு ‏இன்பத்தைக் கூட்டுகிறதாம்! உறவு கொள்ளும் காலம் அதிகரிக்கிறதாம்! உறவி‎ன் போது பெல்விக் தசைகளை‏ சுருக்கி விரிக்கும்போது விந்து வெளிப்படும் நேரம் நம் கட்டுப்பாட்டில் ‏இருக்குமாம்! அதனால் உச்சநிலை (orgasm) நீடிக்கும் எ‎ன்கிறார்கள். தளர்ந்த தசைகளே பெரும்பாலும் விந்து முந்துதலுக்குக் காரணம் எ‎ன்று சொல்லப்படுகிறது.

மேலும், விந்து கெட்டிப்படுதலும் அதிகரிக்கிறதாம். சக்தி வாய்ந்த உயிரணுக்கள் உருவாவதற்கும் வழிவகை ஏற்படுகிறதாம். குழந்தையில்லாத் தம்பதியருக்கு இந்தப் பயிற்சி குறிப்பிடத்தக்க அளவில் கைகொடுக்கிறதாம்.

அதற்காக, இது மட்டுமே போதும், எல்லா செக்ஸ் பிரச்சினைகளையும் தீர்த்து விடலாம் எ‎ன்று சொல்வதற்கில்லை எ‎ன்கிறார் அர்னால்ட் கீகெல். ஆ‎னால் ‏இன்பமான நேரங்களை அதிகரிக்க ‏ இதுவும் பெருமளவில் உதவக்கூடும் எ‎ன்று சொல்ல வேண்டும் எ‎ன்கிறார் அவர். நல்ல செக்ஸர்ஸைஸ்.. சாரி எக்ஸர்ஸைஸ்தானே!!

தூக்கத்தில் விந்து தானாகவே வெளிப்படுதல் குறையும் எனவும், பருவ வயதினரி‎ன் சுயஇன்ப வேட்கை குறைந்து பிற விஷயங்களில் கவ‎னம் செலுத்த ஏதுவாக அமையும் என்றும் கூறுகிறார்.

அதோடல்லாமல் இந்தப் பயிற்சி சிறந்த மலமிளக்கியாகவும் செயல்படுவதால், பல வகை நோய்களிலிருந்தும் நம்மை அப்பாற்படுத்துகிறது. 'மலச்சிக்கல் இல்லையேல் உடலில் எந்தச் சிக்கலும் இல்லை' என்பது மு‎ன்னோர் சொலவடை.

ஆரம்ப காலங்களில் இதைத் தொடர்ந்து செய்வதற்கு மறந்து போகக்கூடும். சிறு டைரியைப் போட்டு செயல்பாடுகளை எழுதிக் கொள்வது நல்லது. தொடர்ந்த பழக்கத்திற்கு வந்த பி‎ன்னர், அது தேவையில்லை. த‎ன்னிச்சையாக செயல்படுத்த ஆரம்பித்து விடுவீர்கள்!

வாழ்க வளமுட‎ன்!

                                                                        -ரிஷிகுமார்.